රුපියල් පන්දහසේ දිරි දීමනාව ලබා ගැනීමට නම් ගුරුවරුන් විසින් ඉටු කළ යුතු වගකීම් 15ක් ඇතුළත් නව චක්‍රලේඛයක් අධ්‍යාපන අමාත්‍යාංශය විසින් නිකුත් කර තිබෙනවා.
ඔන්ලයින් ක්‍රමයට හෝ වෙනත් ආකාරයකට සිසුන්ට ඉගැන්වීම, උසස් පෙළ සහ ශිෂ්‍යත්ව විභාග සඳහා අයැදුම්පත් යොමු කිරීමට අදාළ කටයුතු සිදු කිරීම, පාසල්වල ක්‍රියාත්මක විශේෂ ව්‍යාපෘති සඳහා සක්‍රීය දායකත්වය ලබා දීම, රාජකාරි අවශ්‍යතා මත පවත්වන රැස්වීම්වලට සහභාගි වීම, නව ජාතික පාසල් ව්‍යාපෘතිය හා සම්බන්ධ කටයුතු සිදු කිරීම, ළමා මිතුරු පාසල් හා එන්නත්කරණ යන වැඩසටහන් වෙනුවෙන් සහයෝගය දීම, පෙළපොත් බෙදා හැරීමේ කටයුතු වලට සහය දීම ඇතුළු වගකීම් 15ක් සම්බන්ධයෙන් එහි කරුණු දැක්වෙනවා.
මෙහිදී කලාප අධ්‍යාපන අධ්‍යක්ෂවරයා විදුහල්පතිවරුන්ගේ රාජකාරී සම්බන්ධයෙන් සෑහීමකට පත් වන්නේ නම් පමණක් අදාල දීමනාව පාසලට ලබා දීමට කටයුතු කෙරෙන බවයි පැවසෙන්නේ.
ඒ අනුව, දිරිදීමනාව සඳහා හිමිකම් ලබන විදුහල්පතිවරුන්ට සහ ගුරුවරුන්ට අදාල ගෙවීම් කිරීමේ බලය පවරා ඇත්තේ කලාප අධ්‍යක්ෂවරුන්ටයි.
