පවත්නා ගෑස් අර්බුදයට විසදුමක් ලෙස රජයේ මැදිහත්වීමෙන් නව ගෑස් සමාගමක් පිහිටුවීමට කටයුතු කළ බව සමුපකාර සේවා, අලෙවි සංවර්ධන හා පාරිභෝගික ආරක්ෂණ රාජ්ය අමාත්ය ලසන්ත අලගියවන්න මහතා පවසනවා.
ලෝක වෙළෙඳපොලේ මිල වැඩවීම හා ඩොලරයේ අගය වැඩිවීම යන හේතු දෙකට අමතරව වර්තමානයේ පවතින ගෑස් සමාගම් දෙකෙහි අකාර්යක්ෂමතාවයේ අලාභයද මේ වන විට ජනතාවට ගෙවීමට සිදුව ඇති බව අලගියවන්න මහතා පෙන්වා දෙනවා.
ඔහු පවසන්නේ මෙම තත්ත්වය සම්බන්ධයෙන් නිර්දේශ ඉදිරිපත් කිරීමට පත්කළ අමාත්ය අනුකමිටුවේ නිර්දේශ මත මෙම ආයතන දෙකෙහි අකාර්යක්ෂමතාවය අඩුකර පාරිභෝගිකයාට සහන ලබාදීමට කටයුතු කරන බවයි.
ඒ අනුව පවත්නා ගෑස් සමාගම් දෙක ඒකාබද්ධ කර රජයේ සමාගමක් ස්ථාපිත කර ඇති බවත් ඒ හරහා ඒකාබද්ධ මිලදී ගැනීමේ ක්රියාවලියක් තුළින් පවත්නා මිලට වඩා රුපියල් 125 – 130 ත් අතර අඩු මිලකට ගෑස් ලබාදිය හැකි බව අමාත්ය ලසන්ත අලගියවන්න මහතා පවසනවා.
ඒ අනුව නව සමාගමට සභාපතිවරයෙක් හා අධ්යක්ෂ්ය මණ්ඩලයක් පත්කර ඇති බවත් එම සමාගම මේ වන විටත් ක්රියාත්මක බවත් අද (28) පැවති කැබිනට් තීරණ දැනුම්දීමේ ප්රවෘත්ති සාකච්ඡාවේදී අමාත්යවරයා වැඩිදුරටත් සදහන් කළා.