13 වන ආණ්ඩුක්‍රම ව්‍යවස්ථා සංශෝධනය ක්‍රියාත්මක කිරීමත්, එපමණක් නොව ඉන් ඔබ්බට ගිය බලය බෙදීමේ ක්‍රියාවලියක් රටතුල ක්‍රියාත්මක කිරීම උදෙසා ශ්‍රී ලංකා රජය ඉන්දියාවට ලබාදුන් පොරොන්දු ඉටු කළ යුතුය යන්න ඉන්දීය රජයේ මතය බව ඉන්දීය විදේශ ලේකම් හර්ෂ් වර්ධන් මහතා ප්‍රකාශ කළ බව දෙමළ ජාතික සන්ධානයේ මාධ්‍ය ප්‍රකාශක එම් . ඒ. සුමන්දිරන් මහතා පවසනවා.
ඒ, ඊයේ (04) ඉන්දීය විදේශ ලේකම් හර්ෂ් වර්ධන් මහතා හමුවීමෙන් අනතුරුව මාධ්‍ය වෙත අදහස් දක්වමින්.
දෙමළ ජාතික සන්ධානය සිටින්නේද ඒ මතයේම බවත් 1983 සිට ඉන්දියාව මෙම ගැටළුවට මුහුණ දී ඇති බවත් ඉදිරියටත් තමන් සමඟ සිට මෙම ගැටළුවට විසඳුමක් ලබාදීමට පොරොන්දු වූ බවත් සුමන්දිරන් මහතා වැඩිදුරටත් පවසනවා.
