මස්කෙළිය නගරයට පිවිසෙන පුද්ගලයින් ආශ්‍රිතව මස්කෙළිය නගරයේ දී සිදුකළ රැපිඩ් ඇන්ටිජන් පරීක්ෂණයේ දී කොවිඩ් ආසාදිතයින් 17 දෙනෙකු හඳුනාගෙන තිබෙනවා.
මස්කෙළිය සෞඛ්‍ය වෛද්‍ය නිලධාරී ඩී. චන්ද්‍රරාජන් මහතා පවසන්නේ පසුගිය 06 වනදා සිදුකළ මෙම ඇන්ටිජන් පරික්ෂාවේදී එම ආසාදිතයින් හඳුනාගත් බවයි.
එම ආසාදිතයින් මස්කෙළිය, නල්ලතන්නිය, අප්කට්, දිඹුල පතන හා බදුල්ල යන ප්‍රදේශවලට අයත්.
අනතුරුව මෙම ආසාදිතයින්ගේ සමීපතමයින් ස්වයං නිරෝධායනයට යොමු කිරීමටද පියවර ගත් බව සෞඛ්‍ය වෛද්‍ය නිලධාරීවරයා පවසනවා.
