කැපී පෙනෙන සහ භූදේශපාලනික වශයෙන් වැදගත් සිදුවීම් සහ හොංකොංහි විශ්ව විද්‍යාල, චීනය කේන්ද්‍ර කරගත් පරිගණක දත්ත සොරාගන්නන් හෙවත් හැකරුන්ගේ නවතම ඉලක්කය වී ඇතැයි මයික්‍රොසොෆ්ට් සමාගමේ වාර්තාවක් උපුටා දක්වමින් තායිවාන ටයිම්ස් පුවත්පත වාර්තා කර තිබේ.
2020 වර්ෂයේ ජූලි මාසයේ සිට 2021 වර්ෂයේ ජූනි මාසය දක්වා කාලය සදහා මයික්‍රොසොෆ්ට් සමාගම විසින් නිකුත් කර ඇති ඩිජිටල් ආරක්ෂණ වාර්තාවට අනුව චීනය කේන්ද්‍ර කරගත් ක්‍රෝමියම් නම් සයිබර් ක්‍රියාකාරී කණ්ඩායම හොංකොං, තායිවානය, ඉන්දියාව, මැලේසියාව,මොංගෝලියාව, තායිලන්තය වැනි රටවල සංවේදී සමාජ, ආර්ථික සහ දේශපාලන සිදුවීම් ඉලක්ක කර ගෙන කටයුතු කර ඇත.
ඊට අමතරව බීජිනයට එරෙහි මතවාද පෝෂණය කිරීමේ නිරත, හොංකොං සහ තායිවාන්හි විශ්ව විද්‍යාල මෙම සයිබර් හැකරුන්ගේ ප්‍රධානතම ඉලක්කයක් බවට පත්ව ඇතැයි එම වාර්තාවේ දැක්වේ.
මෙම සියලුම රටවල රජයේ ආයතන, විශේෂයෙන් විදුලි සංදේශ ආයතන මොවුන්ගේ ඉලක්ක අතර කැපී පෙනෙන බව ද සදහන් වේ.
මින් පෙර මෙම හැකරුන්ගේ ප්‍රධානතම ඉලක්කය බවට පත්ව තිබුණේ, බුද්ධිමය දේපළ සහ තාක්ෂණික රහස් සොරා ගැනීම වුවද මේ වනවිට එම තත්වය මෙලෙස වෙනස් වී ඇති බව අදාළ මයික්‍රොසොෆ්ට් වාර්තාව වැඩිදුරටත් අනාවරණය කර තිබේ.
