ඊශ්රායල හා පලස්තීන යුද ගැටුමෙන් ගාසා තීරයේ ඉතිරි වූ පුපුරා නොගිය බෝම්බ ඇතුළු විශාල සුන්බුන් ප්රමාණය ඉවත් කිරීමට වසර 14ක් පමණ ගතවනු ඇති බව එක්සත් ජාතීන්ගේ සංවිධානයේ නිලධාරියෙක් පවසා තිබෙනවා.
ජිනීවාහි පැවති සාකච්ඡාවකදී එක්සත් බිම් බෝම්බ සම්බන්ධ ක්රියාකාරී සේවයේ (UN mine action service) ජ්යෙෂ්ඨ නිලධාරියෙකු මේ බව අනාවරණය කර තිබුණා.
ඔහු පෙන්වා දී තිබුණේ පුළුල් ලෙස නාගරීකරණය වූ ගාසාහි භූමි ප්රදේශ තුළ යුද්ධයෙන් ඉතිරි වුණු සුන්බුන් ටොන් මිලියන 37ක් ඇති බවට ඇස්තමේන්තු ගත කර ඇති බවයි.
ගාසා තීරයෙන් සොයාගත් පුපුරා නොගිය බෝම්බ ප්රමාණය නිශ්චිතව ගණනය කළ නොහැකි වුවද, විනාශ වූ ගොඩනැගිලිවල සුන්බුන් ආදී ද්රව්ය ඉවත් කිරීමට වසර 14ක් පමණ ගත වනු ඇති බව එම නිලධාරියා තවදුරටත් පවසා තිබෙනවා.