වී ගොවීන් සඳහා මෙවර මහ කන්නයට අවශ්ය කාබනික පොහොර බෙදා හැරීමේ වැඩපිලිවෙළ අදින් ආරම්භ කරන බව කෘෂිකර්ම අමාත්ය මහින්දානන්ද අලුත්ගමගේ පවසනවා.
රාජ්ය අමාත්ය ශෂීන්ද්ර රාජපක්ෂ සමඟ ගොවිජන සේවා නියෝජ්ය කොමසාරිස්වරුන්, දිස්ත්රික් කෘෂිකර්ම අධ්යක්ෂවරුන් සහ පොහොර නිලධාරීන් ඇතුළු පිරිසක් අතර පසුගියදා පැවති සාකච්ඡාවකින් අනතුරුව මෙම තීරණය ගෙන තිබෙනවා.
ඒ අනුව අම්පාර දිස්ත්රික්කයෙන් පොහොර බෙදාහැරීම ආරම්භ කෙරෙන අතර, ඊට සමගාමීව අනෙක් ප්රදේශවලද පොහොර බෙදාහැරීමට මෙම සාකච්ඡාවේදී තීරණය වී ඇති බවයි වාර්තා වන්නේ.
අම්පාර, අනුරාධපුරය, පොලොන්නරුව, මොණරාගල, ත්රිකුණාමලය, මඩකලපුව, හම්බන්තොට, කුරුණෑගල සහ පුත්තලම යන වී වගාව බහුලව සිදු කරන දිස්ත්රික්ක සඳහා කාබනික පොහොර බෙදාහැරීමේදී ප්රමුඛතාව ලබාදීමටද මෙහිදී තීරණය වී තිබෙනවා.
කෙසේ වෙතත් මේ වන විටත් විවිධ ස්ථානවල විරෝධතා දක්වමින් වී ගොවීන් පවසන්නේ කාබනික පොහොරවලට හුරුවන තෙක් හෝ රසායනික පොහොර යම් ප්රමාණයක් ලබාදෙන ලෙසයි.