වීරකැටිය මැදමුලන ප්‍රදේශයේදී අද (24) පැවැත්වූ ගොවි උද්ඝෝෂණය උණුසුම් මුහුණුවරක් ගන්නා ලදි. එය මැඩපැවැත්වීමට පොලිස් මැදිහත්වීමක්ද සිදුවන අයුරු දැකගත හැකිවිය.
වීරකැටිය – මිද්දෙණිය මාර්ගයේ මැදමුලන වෙල්යාය අසලදී මෙලෙස උද්ඝෝෂණයක් සිදුවූයේ ගොවියන්ට අවශ්‍ය පොහොර ලබාදෙන ලෙස ඉල්ලමින්.
150ක පමණ පිරිසක සහභාගීත්වයෙන් සිදුවූ මෙම විරෝධතාවය සංවිධානය කර තිබුනේ ඌරුබොකුඔය ගොවි ව්‍යාපාරය විසිනි.
උද්ඝෝෂකයන් කෘෂිකර්ම අමාත්‍යවරයාගේ රුවට සමාන අනුරුවක් රැගෙන කළු කොඩි අතැතිව විරෝධතාවයේ යෙදුණු අතර ඔවුහු පාගමනින් වීරකැටිය මැදමුලන මංසන්ධිය අසළට පැමිණීමට උත්සාහ කළ අතර
එය මැඩපැවැත්වීමට පොලිසිය මාර්ග බාධක සහ වාහන යොදා ප්‍රධාන මාර්ගය හරස් කරන ලදි.
වලස්මුල්ල මහේස්ත්‍රාත් අධිකරණයෙන් ගෙනා අධිකරණ නියෝගයක් සහකාර පොලිස් අධිකාරීවරයා පෙන්වීමෙන් අනතුරුව විරෝධතාකරුවන් තමන් ගෙනා පඹයෙකු මාර්ගය අයිනේ තබා ගිනිතබා සිය උද්ඝෝෂණය අවසන් කර විසිර ගියහ.
