කොවිඩ් 19 වසංගත තත්වය හේතුවෙන් නවතා තිබූ දුම්රිය ධාවනය අද (25) සිට යළි ධාවනය අරඹනු ලැබුවා.
මෙලෙස සෞඛ්ය මාර්ග උපදේශ යටතේ එය සිදුවූයේ දින 67 කට පසුවයි.
අද උදෑසන සිට මේ දක්වා කාලය තුළ දුම්රිය 60කට වැඩි ප්රමාණයක් ධාවනය කර ඇති බව දුම්රිය සාමාන්යාධිකාරී ධම්මික ජයසුන්දර මහතා පවසනවා.
ඉන් වැඩි දුම්රිය සංඛ්යාවක් බස්නාහිර පළාත තුළ ධාවනය වූ බවයි ඔහු පෙන්වා දෙන්නේ.
ගාල්ලේ සිටද අද උදෑසන දුම්රිය කිහිපයක් ධාවනය කෙරුණා.
පළාත් තුළ පමණක් දුම්රිය ධාවනය සිදු කෙරුණද ප්රවේශපත්ර නිකුත් කිරීමක් සිදු නොවන අතර, දුම්රිය වාර ප්රවේශපත්ර හිමි පුද්ගලයින්ට පමණක් අද සිට දුම්රියේ ගමන් කිරීමට හැකියාව පවතිනවා.
කෙසේ නමුත් ඇතැම් පුද්ගලයන් සෞඛ්ය මාර්ගෝපදේශ නොසලකා හරිමින් තවමත් කටයුතු කරන බවයි දැකගන්නට ඇත්තේ.