මුතුරාජවෙල සම්බන්ධයෙන් ආණ්ඩුව අනුගමනය කරන පිළිවෙත වෙනස් නොකරන්නේ නම් ජනතාව සමග පෙළ ගැසෙන බව මැල්කම් කාදිනල් රංජිත් හිමිපාණෝ පවසති.
ඒ, ඊයේ (26) එක්ස්ප්රස් පර්ල් නෞකාව ගිනි ගෙන විනාශවීමෙන් අපවිත්ර වූ පමුණුගම, සරක්කුව වෙරළ තීරය නිරීක්ෂණය කිරීම සඳහා පැමිණ සිටි අවස්ථාවේදීයි.
අනතුරුව මාධ්යයට අදහස් පළ කළ කාදිනල් හිමිපාණන්,
”අපි ආණ්ඩුවක් ඡන්දේ දීලා තොරගත්තා නේ. දැන් ඒ ආණ්ඩුව ජනතාවගේ පැත්තේ තමයි ඉන්න ඕන. දැන් මුතුරාජවෙල සම්බන්ධව දැන් අලුතෙන්ම කරගෙන යන වැඩපිළිවළ අපිට කොහොමටවත් පිළිගන්න බෑ. ජනතා විරෝධි තීරණයක්. ඒ නිසා අපිට සිද්ද වෙනවා අනිවාර්යෙන් ජනතාව පාරට බස්සන්න ජනාධිපතිතුමාටත් රජයටත් විරුද්ධව. ඒක අපි නොකර ඉන්නෙත් නෑ.
මේ විදියට හිතුවක්කාර විදියට රට පාලනය කරන්න අපි මේ ජනාධිපතිතුමාටවත් අගමැතිතුමාටවත්, අමාත්ය මණ්ඩලයේ එක්කෙනෙකුටවත් අපි බලය දීලා නෑ. මේ වගේ දේවල් කරනවා නම් ජනතාවගේ මතය විමසන්න ඕන කලින්. විමසලා කැමැත්ත නොකමැත්ත අර ගන්න ඕන.එකයි ප්රජාතන්ත්රවාදය
දැනට අපිට පේන හැටියට මේ රජය සවන් දෙන්න නෑ ජනතාවට.ජනතාව සමග නෙවෙයි ඉන්නේ. ධනවතුන්ගේ පැත්තෙ විදේශීය සමාගම්වල පැත්තේ. එහෙම තමයි හැම තීරණයක්ම ගන්නේ ඒ විදියට. එහෙම බෑ. අපිට කිව්වෙ එහෙම එකක් නෙවෙයි ඡන්දෙ කාලෙදි. ජනතාව සමග ඉන්නවයි කියන පොරොන්දුව දුන්නා කෝ ඒක ඉෂ්ට කරාද? ජනතාවට ආරක්ෂාවක් නෑ. පාස්කු ප්රහාරය ගැන කිසිඳු හරි ආකාර හොයා ගැනීමක් කරන්නේ නෑ. උඩින් පල්ලෙන් මොනවා හරි කරනවා.
මුතුරාජවෙල සම්බන්ධවත් එහෙමයි. වැව් අමුණු ඒවා ආරක්ෂා කරන ඒවා මුකුත් කරන්නෙත් නෑ. දැන් මේ UDA එකට මේ පළාතම භාරදෙන ගැසට් එකක් ගහලා ජනාධිපතිතුමා පිස්සු නටනවා. මේ මිනිස්සු අවුරුදු 100, 200 හිටියා ඒවා UDA එකට පවරන්න බෑ. UDA එකේ ඉන්නේ කව්ද ඒ කොහේ ඉඳලා ආව කට්ටියක්ද? පිටසකවලකින් ආපු කට්ටියක්ද එහේ ඉන්නේ. UDA එකේ. ඒ නිලධාරීන්ට එයාර්කන්ඩිෂන් කාමරවල ඉන්න කොළඹ නිලධාරීන්ට පවරන්න පුළුවන් ද. මේ පැත්තේ මන්ත්රීතුමාගෙන් ඇහුව ද? මම මන්ත්රිතුමාට කෝල් කෙරුවාම එතුමා කියනවා. මම දන්නේ නැහැල්ලු, මට කිව්වේ නැහැල්ලු, ඉතිං මේ පළාතේ ජනතාව ඡන්දේ දීලා තියෙන්නේ මෝඩරාළ කෙනෙකුටනේ”