ඉන්දියාවේ දිල්ලි අගනුවර පැවැත්වූ කලාපීය ආරක්ෂක සමුළුවේදී ඇෆ්ගනිස්තානය සම්බන්ධයෙන් වන විශේෂ ප්‍රකාශනයක් එළිදක්වා තිබේ.
දිල්ලි ප්‍රකාශනය නම් වන එමගින් ඇෆ්ගනිස්තානය තුළ සියලුම වාර්ගිකයන් ඇතුළු විවිධ පාර්ශව නියෝජනය වන පරිදි විවෘත ආණ්ඩුවක් පිහිටුවිය යුතු බව අවධාරණය කර ඇත.
මෑත කාලයේදී කුන්දුස්, කන්දහාර් සහ කාබුල්හි සිදුවූ බෝම්බ ප්‍රහාරද දිල්ලි ප්‍රකාශනය මගින් හෙළාදැක ඇති අතර එරට ආරක්ෂක තත්වය සම්බන්ධයෙන් ද අවධානය යොමුකර තිබේ.
ඇෆ්ගනිස්තාන භුමිය කිසිදු ආකාරයකින් ත්‍රස්තවාදය ප්‍රවර්ධන කිරීම සදහා යොදාගැනීමට ඉඩ නොතැබිය යුතු බවද එමගින් අවධාරණය කර ඇත.
ඉන්දියාව සමග රැසියාව, ඉරානය, තජිකිස්තානය, කිර්ගීස්තානය, කසකස්තානය, උස්බෙකිස්තානය, ටර්ක්මේනිස්තානය යන රටවල් මෙම දිල්ලි ප්‍රකාශනයට අත්සන් තබා තිබේ.
