චීන ජනරජයේ පරිත්‍යාගයක් මත තමන්ගේ පාලන සමයේ සාදා නිමකරන ලද පොළොන්නරුවේ වකුගඩු රෝහලට තවමත් අධ්‍යක්ෂකවරයෙක් පත්කිරීමට වර්තමාන ආණ්ඩුව කටයුතු කර නොමැති බවට ශ්‍රී ලංකා නිදහස් පක්ෂයේ නායක මෛත්‍රිපාල සිරිසේන මහතා චෝදනා කරනවා.
පාර්ලිමේන්තුවේදී අද (17) අයවැය විවාදයට එක්වෙමින් මෛත්‍රිපාල සිරිසේන මහතා සදහන් කළේ රසායනික පොහොර තහනමින් රටම කාබනික පොහොරවලට හුරුකළ පසුව එම රෝහල ප්‍රයෝජනයක් ඇති රෝහලක් නොවන බවට ඇතැම් මන්ත්‍රීවරුන් ප්‍රකාශ කරන බවයි.
රජරට පවතින හදුනානොගත් වකුගඩු රෝගය සදහා පමණක් එම රෝහල නිර්මාණය නොකල බවත් මෙරට පවතින් සිය ගණනක් වන වකුගඩු රෝග සදහා එම වකුගඩු රෝහල නිර්මාණය කල බවත් පාර්ලිමේන්තු මන්ත්‍රී මෛත්‍රිපාල සිරිසේන මහතා පෙන්වා දෙනවා.
මේ වන විටත් එම රෝහලේ විකිරණ අංශය, රසායනාගාර මෙන්ම කෝටි 15 ක් පමණ වටිනා CT ස්කෑන් යන්ත්‍රයද භාවිතයට නොගැනීම ඉතාමත් කණගාටුදායක තත්ත්වයක් බව මෛත්‍රිපාල මහතා පවසනවා.
මීට අදාළ දර්ශන පහතින්,
