අවදානම සන්නිවේදනයට සෞඛ්‍ය අමාත්‍යාංශය මගින් සැකැසෙන කොවිඞ් සිතියම මෙම සතියේදී ජනගත කිරීමට හැකිවනු ඇතැයි එහි ජ්‍යෙෂ්ඨ නිලධාරියෙක් ‘News19’ වෙත අද(7) පැවැසීය.
අවදානම් ප්‍රදේශවල ජනයාටත් ආයතන ප්‍රධානීන්ටත් අවදානම තක්සේරු කරගැනීම අරමුණු කරගනිමින් මෙම කොවිඞ් සිතියම සකස් කෙරෙන්නේ යැයි එම නිලධාරියා කීය.
කොවිඞ් මර්දනයට පසු විපරම හා නියාමනය වැදගත් වුවද ප්‍රායෝගික තලයේදී සෞඛ්‍ය නිලධාරින්ට විශාල ජන පිරිසක් සමග කටයුතු කිරීම දුෂ්කර වී ඇතැයි කී හෙතෙම මෙවැනි පියවරකින් ජනතාවට නිවැරැදිව අවදානම සන්නිවේදනය කිරීමට හැකි වනු ඇතැයි පැවැසීය.
ලෝක සෞඛ්‍ය සංවිධානයෙන් නිශ්චිතව කොවිඞ් මර්දන එන්නතක් නිර්දේශ නොකළ පසුබිමක විවිධ විශ්වාසයන් පෙරදැරිව ජනතාව කටයුතු කිරීම අද වනවිට ලෝක ප්‍රවණතාවක් වී ඇතැයි ද එම නිලධාරියා කීය.
ඒ නිසා නිවැරැදිව අවදානම සන්නිවේදනය කිරීමෙන් ජනතාව වැරැදි මාර්ගවලට අවතීර්ණ වීම යම් තරමකට හෝ වලක්වා ගත හැකි වනු ඇතැයි ද එම නිලධාරියා වැඩිදුරටත් සඳහන් කළේය.
තව කියවන්න
- කුලියාපිටියේ තරුණයා අතුරුදන් වීමේ සිදුවීමේ ප්‍රධාන සැකකරුට ඇප
- චන්ග්ගෙන් T-20 කුසලානයට යන අපේ කණ්ඩායමට සුභ පැතුම්
- සජිත්ගෙන් ටිරාන්ට ප්‍රශ්න හතක්
- නිදහස් පක්ෂයට නිදහසේ ආ චන්ද්‍රිකා
- වීසා ගාස්තුවල වෙනසක් නෑ
- හොරණ වෙඩි ප්‍රහාරයේ ගිනි අවියත් සොයා ගෙන
