ශීත ඍතු ඔලිම්පික් උළෙලට සති කිහිපයකට තිබියදී චීනයේ බීජිං ඇතුළු එහි ප්‍රධාන නගර කිහිපයක කොවිඩ් රෝගීන්ගේ වැඩිවීමක් දක්නට ලැබෙන බව මාධ්‍ය වාර්තා පවසයි.
එම වාර්තා සදහන් කරන්නේ චීනය තුල දැඩි සංචරණ සීමා පනවා ඇතත් කොවිඩ් රෝගීන්ගේ වර්ධනයක් දක්නට ඇති බවත් වාතය මගින් එය වර්ධනය වීමේ අවිනිශ්චිතතාවයක් පවතින බවයි.
චීන ජනාධිපති ෂී ජින්පිං මේ මස මුලදී ඔලිම්පික් උළෙල පැවැත්වෙන ස්ථානයට ගොස් ආරක්ෂිත සහ සරල අයුරින් උළෙල පවත්වන ලෙස උපදෙස් දී තිබේ.
මේ අතර ෂින්ජියැන්ග්, ටිබෙට් සහ හොංකොං හි මානව හිමිකම් උල්ලංඝනය කිරීම් සම්බන්ධයෙන් ලොව පුරාඩමානව හිමිකම් සංවිධාන රැසක් බීජිං ඔලිම්පික් උළෙල වර්ජනය කරන ලෙස ඉල්ලා සිටියි.
එක්සත් ජනපදය, එක්සත් රාජධානිය, කැනඩාව සහ ඕස්ට්‍රේලියාව ඇතුළු ඇතැම් බටහිර රටවල් බීජිං ඔලිම්පික් උළෙල රාජ්‍ය තාන්ත්‍රිකව වර්ජනය කර ඇත.
