වත්මන් අර්බුදයට කිසියම් ප්‍රමාණයකින් දායක වීම සම්බන්ධයෙන් තමා ජනතාවගෙන් සමාව අයැදින බව හිටපු අමාත්‍ය අලි සබ්‍රි මහතා පවසනවා.
ඒ, ඊයේ (07) දින පාර්ලිමේන්තුව අමතමින්.
විරෝධතා පවත්වන ජනතාවගේ ආවේග තමන් හඳුනන බවත් එම ගැටළු වලට විසඳුම් සෙවිය යුතුව ඇති බවත් ඔහු පවසනවා.
ජාත්‍යන්තර මූල්‍ය අරමුදලට මීට වසරකට පෙර යා යුතුව තිබූ බව තමා දිගින් දිගටම පැවසූ බවත් රුපියල පා කිරීම ක්‍රමවත්ව සිදුකළ යුතු බවට තමා විශ්වාස කරන බවත් ඔහු පවසනවා.
“ණය ප්‍රතිව්‍යුහ ගත කරන්න ඕන කියන එක මම කිව්වා. මුදල් ඇමති දෙන කෙනෙක් වෙන්න ඕන. ආචාර්ය නන්දලාල් වීරසිංහ මහතා අද එයි. හෙට වැඩ භාර ගන්නවා. මේ ගැටලුවට අයි.එම්.එෆ්. එක සමග සාකච්ඡා කරලා විසඳුමක් හොයන්න ඕන.
දැන් අපේ හර්ෂ මතිතුමාට අපි ආරාධනා කරනවා ඇවිත් මේක භාරගන්න කියලා. අපි දෙන්නම් ඔබතුමාට ඔබ කරන්න. අපි උදව් කරන්නම්. ඔබ කියනවා නම්. අපි ඒකයි ඒ ආරාධනාව දුන්නේ” යැයි ඔහු පවසනවා.
