අධික රුධිර පීඩනය හේතුවෙන් දකුණු ඉන්දියාවේ ප්‍රවීණ නළු රජිනිකාන්ත් මහතාව රෝහල්ගත කර ඇති බව ඉන්දීය මාධ්‍ය වාර්තා කර ඇත.
ඔහුගේ රඟපාන නව චිත්‍රපටයක් වන ‘ Annaatthe ‘ රූගත කිරීම් අතරතුර එහි සේවකයින් 4 දෙනෙකුට කොවිඩ් ආසාදිතවීම හේතුවෙන් එහි රූගතකිරීම් තාවකාලිකව නවතා දමා ඇති අතර ඉන්අනතුරුව රජිනිකාන්ත් මහතාටද PCR පරීක්ෂණයක් සිදු කර ඇති අතර එම පරීක්ෂණ වාර්තා අනුව ඔහු කොවිඩ් ආසාදිත නොවන බවට තහවුරු වී ඇත.
එම චිත්‍රපටයේ දින 10 ක රූගත කිරීම් සදහා ඔහු එහි ගොස් ඇති අතර දෙසැම්බර් 22 වන දින ඔහුගේ පීසීආර් පරීක්ෂණය සිදු කර ඇත.
කෙසේ වෙතත් දෙසැම්බර් 25 වන දින උදෑසන ඔහුව හදිසියේ හයිද්‍රාබාද් හි ඇපලෝ රෝහල වෙත ඇතුළත් කර ඇත.
හයිද්‍රබාද් ඇපලෝ රෝහලෙන් මේ වන විට මාධ්‍ය නිවේදනයක් නිකුත් කර ඇති අතර ඔහුන් පවසා සිටින්නේ රජිනිකාන්ත් රෝහල්ගත කර ඇත්තේ කොවිඩ් ආසාදිතවීමක් හේතුවෙන් නොව ඔහුගේ රුධිර පීඩනය අධික වීම නිසාත් මේ වන විට ඔහුට අවශය ප්‍රතිකාර කරමින් සිටින බවය.
