රඹුක්කනදී ඇතිවූ සිදුවීම සම්බන්ධයෙන් ශ්‍රී ලංකාවේ ඇමරිකානු තානාපතිනී ජූලි චුන්ග් මහත්මිය ට්විටර් පණිවුඩයක් නිකුත්කර තිබෙනවා.
ඇය සදහන් කරන්නේ රඹුක්කන ප්‍රදේශයේදී ඇතිවූ සිදුවීම සම්බන්ධයෙන් තමන් බලවත් ශෝකයට පත්ව සිටින බවයි.
විරෝධතාකරුවන්ට එරෙහිව නැගෙන ප්‍රචණ්ඩත්වය හා පොලීසියට එරෙහිව දියත් කරන ප්‍රචණ්ඩත්වය යන දෙපාර්ශවයම තමන් දැඩිව හෙළා දකින බව සදහන් කරන ඇමරිකානු තානාපතිනිය ඉල්ලා සිටින්නේ දෙපාර්ශවයම සන්සුන්ව කටයුතු කරන ලෙසයි.
එමෙන්ම මෙම සිදුවීම සම්බන්ධයෙන් පූර්ණ විනිවිදභාවයකින් යුත් පරීක්ෂණයක් අත්‍යාවශ්‍ය බවත් ජනතාවගේ සාමකාමී විරෝධතා දැක්වීමට ඇති අයිතිය තහවුරු කළ යුතු බවත් ඇය සිය ට්විටර් පණිවුඩයෙන් පෙන්වා දෙනවා.
