කොවිඩ් ආශ්‍රිත සැපයුම් කඩාකප්පල් කිරීම් සහ තත්වය උග්‍ර කළ රුසියානු-යුක්රේන ගැටුමේ පසුකාලීන බලපෑම් සමඟ, මුදල් හිඟයකට මුහුණදී සිටින පාකිස්තානය ද්‍රව ස්වාභාවික වායු (LNG) ලබා ගැනීමට අරගල කරමින් සිටින බැවින් නුදුරු අනාගතයේ දී පාකිස්තානයේ බලශක්ති අර්බුදය වඩාත් නරක අතට හැරෙනු ඇතැයි වාර්තා සඳහන් කරයි.
ගෝලීය බලශක්ති මිල ඉහළ යාම හේතුවෙන් පාකිස්තානයේ විදුලි ඉන්ධන පිරිවැය සියයට 100 කට වඩා වැඩි වීම නිසා මෙම අර්බුදය පැන නැගී ඇත.
මුදල් නොමැතිකම නිසා පසුගිය සතියේ, රජයට අයත් LNG Ltd සමගම විසින් ජූලි මාසය වෙනුවෙන් නැව්ගත කිරීම සඳහාවූ ස්වාභාවික වායු තොග හතරක් සඳහා වූ ටෙන්ඩර වෙනුවෙන් ලැබුණු මිල අධික අයදුම්පතක් අවලංගු කරන ලදී.
මෙම තත්වය හේතුවෙන් පකිස්ථානයේ බලශක්ති අර්බුදය ඉදිරි සති කිහිපය තුල නරක අතට හැරෙනු ඇතැයි අනාවැකි පළව තිබේ.
පසුගිය සතියේ පකිස්තානයේ ඛනිජ තෙල් රාජ්‍ය අමාත්‍ය මුසාදික් මලික් කියා සිටියේ ස්වාභාවික වායු තොග සඳහා ලංසුකරුවෙකු සොයා ගැනීමට රට අසමත් වීම නිසා, බලධාරින්ට බලශක්ති උත්පාදනය සඳහා විකල්ප බලශක්ති ප්‍රභවයන් වෙත මාරු වීමට බල කර ඇති අතර, එහි ප්‍රතිඵල ඉන්ධන ලබා ගැනීමට මාසයක් හෝ ඊට වැඩි කාලයක් ගතවනු ඇති බවයි.
යුක්රේනය සමඟ ඇති වූ යුද්ධය හේතුවෙන් රුසියාවෙන් සැපයුම අත්හිටුවා ඇති හෙයින්, යුරෝපීය රටවල් ද ගෑස් ලබා ගත හැකි සෑම තැනකම මිලදී ගනී.
එහි ප්‍රතිඵලයක් වශයෙන්, වසර දෙකහමාරකට පෙර ඩොලර් 4කට මිල කළ ස්වාභාවික වායු, දැන් ඩොලර් 40කටවත් ලබා ගත නොහැකි බව රාජ්‍ය ඇමතිවරයා ප්‍රකාශ කර ඇත.
