මවක්, සිය දියණිය සහ පුතු සමග ඇඹිලිපිටිය – චන්ද්‍රිකා වැවට පැන ඇති අතර, එහිදී පස් හැවිරිදි දියණිය ජිවිතක්ෂයට පත්ව තිබෙනවා.
පොලිසිය සඳහන් කරන්නේ ඇඹිලිපිටිය පොලීසියේ ජිවිතාරක්ෂක කණ්ඩායම් විසින් මව සහ පුතා බේරාගෙන ඇති අතර පසුව ඔවුන් රෝහල් ගත කර ඇති බවයි.
මව ඇඹිලිපිටිය රෝහලේ දැඩි සත්කාර ඒකකයේ ප්‍රතිකාර ලබමින් සිටින අතරතුර ජීවිතක්ෂයට පත්ව තිබෙනවා.
මෙලෙස මියගොස් ඇත්තේ සමාජසේවා පුර, පරණ ඇඹිලිපිටිය පාර, සූරියවැව ලිපිනයේ පදිංචි සුරංගිකා මධුමාලි නමැති 32 හැවිරිදි කාන්තාවක්.
11 හැවිරිදි පුතාගේ තත්ත්වය බරපතල නොවන අතර, ඔහු තවදුරටත් ඇඹිලිපිටිය රෝහලේ ප්‍රතිකාර ලබනවා.
ඇයගේ නිවස පරීක්ෂා කිරීමේදී පොලීසියට ලිපියක් හමුවී ඇති අතර එහි සදහන් කර ඇත්තේ මියගිය එම කාන්තාව කලක සිට යම් මානසික රෝගී තත්ත්වයකට ප්‍රතිකාර ගෙන ඇති බැවින් ඒ සඳහා වූ බෙහෙත් පානය කිරීම ශරීරයට ඉතා දුෂ්කර කාර්යයක් වී ඇති බවයි.
මේ හේතුවෙන් තමන් සියදිවි හානි කරගැනීමට තීරණය කළ බව එහි සදහන්ව ඇතැයි පොලීසිය පවසනවා.
