විදේශ විනිමය අර්බුදය හේතුවෙන් ඉදිරි මාස 12 තුළ ඉන්ධන ආනයනය කිරීම සීමා කිරීමට සිදුවන බව බලශක්ති අමාත්‍ය කංචන විජේසේකර පවසනවා.
ට්විටර් පණිවුඩයක් නිකුත් කරමින් ඒ මහතා මේ බව ප්‍රකාශ කර තිබෙනවා.
එහිදී වැඩිදුරටත් අදහස් දක්වමින් අමාත්‍යවරයා ප්‍රකාශ කර ඇත්තේ QR ක්‍රමවේදය හඳුන්වා දීමට පියවර ගනු ලැබුවේ දෛනික ඉන්ධන ඉල්ලුම සපුරාලීමට නොහැකි නිසා බවයි.
මේ අතර සංචිත ප්‍රමාණවත් ලෙස තිබුණු කාලයේදී පවා සෑම පිරවුම්හලකටම ඉන්ධන බෙදාහැරීම සිදුකිරීම ප්‍රායෝගිකව සිදුකළ නොහැකි බව ද අමාත්‍යවරයා වැඩිදුරටත් ප්‍රකාශ කර තිබෙනවා.
