තලේබාන් සංවිධානය ඇෆ්ගනිස්තානයේ යූටියුබ්කරුවකු වන අජ්මාල් හකිකි සහ ඔහුගේ කණ්ඩායමට වධ හිංසා කරන ආකාරය දැක්වෙන වීඩියෝවක් සමාජ මාධ්‍යවල බහුලව සංසරණය වෙමින් පවතී.
ප්‍රාදේශීය මාධ්‍ය පවසන පරිදි තලේබාන් සාමාජිකයන් විසින් මෙම පහරදීම විනෝදය සඳහා සිදුකර එය රූගත කර අදාළ වීඩියෝව එකිනෙකා අතර හුවමාරු කර ගෙන තිබේ.
ඔවුන් විසින් අජ්මාල් හකිකි සහ ඔහුගේ කණ්ඩායමට පොලුවලින් අමානුෂික ලෙස පහර දෙන අයුරු වීඩියෝ අදාළ වීඩියෝ පටවලින් නිරෑපණය වේ.
හකිකි ගේ සගයෙකු වන ගෝලම් සකී, හකිකිගේ යූ ටියුබ් නාලිකාව විසින් පළ කරන ලද වීඩියෝවක කුරානයේ වාක්‍යයන් හාස්‍යජනක හඬින් කියවමින් නටන අයුරු දැක්වෙන බව කාම්මා පුවත් සේවය වාර්තා කර තිබේ.
තලේබාන් සංවිධානයේ සාමාන්‍ය බුද්ධි අධ්‍යක්ෂ මණ්ඩලය විසින් අජ්මාල් හකිකි සහ ඔහුගේ සගයන් තිදෙනා දේව අපහාස චෝදනා මත අත්අඩංගුවට ගෙන ඇති බව ද මාධ්‍ය වාර්තා කර තිබේ.
