දෙවන එලිසබෙත් මහ රැජිනගේ රාජකීය අවමංගල්‍ය යෙදෙන එළැඹෙන සැප්තැම්බර් 19 වනදා රජයේ විශේෂ නිවාඩු දිනයක් ලෙස රාජ්‍ය පරිපාලන සහ ස්වදේශ කටයුතු අමාත්‍යාංශය ප්‍රකාශයට පත් කර තිබෙනවා.
එදින ජාතික ශෝක දිනයක් ලෙස ද දැනටමත් ප්‍රකාශයට පත්කර ඇත.
රජයේ නිවාඩුව රජයේ අත්‍යවශ්‍ය සේවාවන් පවත්වාගෙන යාමට බාධාවක් නොවිය යුතු බව ද රාජ්‍ය පරිපාලන සහ ස්වදේශ කටයුතු අමාත්‍යාංශ ලේකම්වරයා නිකුත් කළ නිවේදනයේ වැඩිදුරටත් සඳහන්.
නවසීලන්තය මෙන්ම, ඕස්ට්‍රේලියාව ද එදින රජයේ නිවාඩු දිනයක් ලෙස ප්‍රකාශයට පත්කර තිබෙනවා.
මේ අතර, මහා බ්‍රිතානයේ රාජ්‍යත්වයට පත් වූ තුන්වන චාර්ල්ස් රජු ඊයේ පළමු වරට එරට පාර්ලිමේන්තුවට පැමිණියා.
එහි දී රැජින වෙනුවෙන් ශෝක ප්‍රකාශය සිදු කෙරුණු අතර අනතුරුව චාර්ල්ස් රජු ස්කොට්ලන්තයේ එඩිම්බරෝ බලා පිටත්ව ගියේ රාජකීයන්ට ගෞරව දැක්වීම සඳහා රැජිනගේ දේහය තැම්පත් කර ඇති හෝලි රූඩ් හවුස් වෙතයි.
ගෞරව දැක්වීම සඳහා අවස්ථාව සැළසෙනු ඇති.
ඉන් පසුවයි දේහය ලන්ඩනයේ වෙස්මිනිස්ටර් ඇබේ දෙවස්ථානය වෙත රැගෙන ඒමට නියමිතව ඇත්තේ.
