මෙරටට ගෙන්වූ ෆයිසර් එන්නත් මාත්‍රා තොගය මේ මස 31 වනදායින් කල් ඉකුත් වන බව සෞඛ්‍ය අමාත්‍යංශය පවසනවා.
මිලියන ගණනක එන්නත් තොගයක් භාවිතයට නොගෙන මේවනවිට රට තුළ ඇති බවයි නියෝජ්‍ය සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය හේමන්ත හේරත් පවසන්නේ.
එම එන්නත්වල කාල සීමාව දීර්ඝ කළ හැකි බවට නිළ මට්ටමේ දැනුම්දීමක් නොලැබුණහොත් අදාළ එන්නත් අපතේ යාමට වැඩි ඉඩක් ඇති බව ද විශේෂඥ වෛද්‍ය හේමන්ත හේරත් සඳහන් කර සිටිනවා.
රට තුළ ඇති ෆයිසර් එන්නත් කොටසක කල් ඉකුත්වීමේ දිනය මීට පෙරද දීර්ඝ කළා.
වෙනත් රටකට අලෙවි කිරීමේ හැකියාව පිළිබඳව නොසොයා එම එන්නත් තොග විද අවසන් කිරීමට උත්සුක විය යුතු බවයි වෛද්‍යවරයා අවධාරණය කර සිටින්නේ.
