පොළොන්නරුව ආශ්රිත ප්රසිද්ධ ස්ථානවල ස්ථාපිත කරන කවුළු හරහා මසකට උපත් පාලන කොපු 50000ක් නොමිලේ නිකුත් කිරීමට පොළොන්නරුව ප්රාදේශීය සෞඛ්ය සේවා අධ්යක්ෂක කාර්යාලය පියවර ගෙන තිබෙනවා.
ඒ එම දිස්ත්රික්කයේ HIV ආසාධිතයින් ඉහළ යාම සැලකිල්ලට ගනිමින්.
පොළොන්නරුව ප්රාදේශීය සෞඛ්ය සේවා අධ්යක්ෂ ඩබ්.කේ. සරත්චන්ද්ර කුමාරවංශ මහතා කියා සිටියේ මේ වසරේ ජනවාරි සිට නොවැම්බර් මස දක්වා පොළොන්නරුව දිස්ත්රික්කයෙන් HIV ආසාධිතයින් 16 දෙනෙක් හමුවී ඇති බවයි.
ඉන් ආසාධිතයින් 05 දෙනෙක්ම පාසල් ළමුන් බවයි ඒ මහතා සඳහන් කළේ.
පොළොන්නරුව දිස්ත්රික්කයෙන් මේ වන විට වාර්තා වී ඇති සමස්ථ HIV රෝගීන් ගණන 82ක් බවත් ඒ අතුරින් වැඩිම පිරිසකට මෙම රෝගය වැළදීමට ආසන්නම හේතුව ලෙස සමලිංගික ඇසුර හඳුනාගෙන ඇති බවයි අධ්යක්ෂකවරයා පෙන්වා දෙන්නේ.
මේ තත්ත්වය මත පොළොන්නරුව දිස්ත්රික්කයේ බස් නැවතුම්පොළවල් හා ප්රසිද්ධ ස්ථාන සහ මහජනයා වැඩි ලෙස ගැවසෙන ස්ථානවල මෙම කොන්ඩම් කවුළු ස්ථාපිත කර වෛරසය ව්යාප්ත වීම පාලනය කිරීමට කටයුතු කරන බවයි වෛද්යවරයා වැඩිදුරටත් කියා සිටියේ.