කුමන්ත්රණයක් මගින් හමුදාව බලය අල්ලා ගැනීමත් සමග මියන්මාරයේ ක්රියාත්මක වූ කෝවිඩ් ප්රතිශක්තිකරණ එන්නත් ක්රියාවලියද ඇණහිට ඇති බව වාර්තා වෙි.
විදෙස් මාධ්ය වාර්තා කරන්නේ හමුදා කුමන්ත්රණයට එරෙහිව එරට සෞඛ්ය සේවකයන් වෘත්තීය ක්රියාමාර්ග ආරම්භ කිරීම ඊට හේතුව බවයි.
පසුගිය බදාදා එරට සෞඛ්ය සේවකයන් වැඩ වර්ජනයකද නිරත වූ අතර ඉදිරියටත් වෘත්තිය ක්රියාමාර්ගවල නිරතවීමට සැලසුම් කර ඇති බව සදහන් වේ.
විදෙස් මාධ්ය වාර්තා කරන්නේ කුමන්ත්රණයකින් බලය අත්පත්කරගත් හමුදා ආණ්ඩුවක් යටතේ සේවය කිරීමට තමන් සුදානම් නොමැති බව එරට බහුතර සෞඛ්ය සේවකයන්ගේ මතය බවයි.
පසුගිය ජනවාරි 27 වනදා සිට මියන්මාරයේ කොවිඩ් එන්නත්කරණය වැඩපිලිවෙළ ඇරඹුණු අතර ඒ ඉන්දියාව විසින් කොවිෂීල්ඩ් එන්නත් තොගයක් පරිත්යාග කිරීමත් සමගයි.
කෝවිඩ් පරීක්ෂණ අවම මට්ටමකින් සිදුකරන පසුබිමකදීත් මේ වනවිට මියන්මාරයෙන් කෝවිඩ් ආසාධිතයන් එක්ලක්ෂ පනස් දහසකට ආසන්න සංඛ්යාවක් සහ මරණ තුන්දහසක් පමණ වාර්තා වී තිබේ.