ක්‍රිෂ් සහ ඩෙස්ටිනි ගොඩනැගිලි ද්විත්වය ඉදිකිරීම සඳහා ලබා දී ඇත්තේ නාගරික සංවර්ධන අධිකාරියට හිමි ඉඩම් වන අතර ගොඩනැගිලි ද්විත්වය යළි රජයට පවරා ගැනීමට සූදානම් වන බව නාගරික සංවර්ධන අධිකාරියේ සභාපති නිමේෂ් හේරත් මහතා පවසනවා.
මේ සඳහා කැබිනට් ප්‍රත්‍රිකිවක් ද ඉදිරිපත් කිරීමට සූදානම් බවත් ඒවා දීර්ඝ කාලීන බදු පදනම යටතේ අදාළ ආයෝජන වෙනුවෙන් නිදහස් කර තිබූ ඒවා බව නාගරික සංවර්ධන අධිකාරිය පවසනවා.
මේ නිසා එම ඉඩම් යළි පවරා ගැනීමට සිය අධිකාරියට හැකියාව ඇති බවත් මෙම වයාපෘතිවලට අදාළ තක්සේරුව ඉදිරියේදී සිදුකිරීමට නියමිත බව සඳහන්.
කොළඹ චැතම් වීදියේ ඉදිවෙමින් පැවති ක්‍රිෂ් ගොඩනැගිල්ල සහ කොළඹ 02 ඉදිවෙමින් පැවති ඩෙස්ටිනි ගොඩනැගිලි ඉන්දියානු සහ පාකිස්ථාන ආයෝජකයින් විසින් කෝවිඩ් වසංගතය ආරම්භයත් සමග ඉදිකිරීම් නවතා දැමුවා.
වාණිජමය සහ මහල් නිවාස පහසුකම් සැපයීම සඳහා සැලසුම් කර තිබු අතර නාගරික සංවර්ධන අධිකාරියේ සභාපතිවරයා පැවසුවේ මෙම ගොඩනැගිලි දෙකෙහිම නිවාස වෙන් කිරීම සඳහා පාරිභෝගිකයින් මුදල් ද ගෙවා ඇති බවයි.
මහින්ද රාජපක්ෂ රජය සමයේ මත භේදයට තුඩු දුන් ක්‍රිෂ් ව්‍යපෘතිය ඒ ආශ්‍රිත ඇතැම් ගනුදෙනු විමර්ශනවලට පවා හේතු වූ බව සඳහන්.
