රාජ්‍ය සේවක වැටුප් ගෙවීම, විශ්‍රාම වැටුප් ගෙවීම හා සමෘද්ධි දීමනා ගෙවීම අප්‍රේල් මස 10 වනදාට පෙර සිදු කරන බව මුදල් රාජ්‍ය අමාත්‍ය රංජිත් සියඹලාපිටිය මහතා පවසනවා.
රාජ්‍ය අමාත්‍යවරයා මේ බව කියා සිටියේ රුවන්වැල්ල ප්‍රදේශයේ පැවැති වැඩසටහනකට එක්වෙමින් අනතුරුවයි.
එම කාර්යයන් සුවිශේෂී කළමනාකරණ වැඩපිළිවෙලක් තුළ සිදු කරනු ඇති බවයි ඔහු සඳහන් කරන්නේ.
ඒ මහතා ප්‍රකාශ කරන්නේ කොතරම් දුෂ්කරතා පැවැතියත් මීට පෙර සිදුකළ ලෙසම සිංහල හා හින්දු අලුත් අවුරුද්ද නිමිත්තෙන් මෙම දීමනා ලබාදීමට අවශ්‍ය කටයුතු යොදා ඇති බවයි.
රුපියල් බිලියන 140ක පමණ මුදලක් ඊට වැය වන නමුත් අවශ්‍ය වුවහොත් පමණක් මුදල් අමාත්‍යාංශයේ ඇති ගිණුම් හා බැංකු අයිරා ආදිය අවශ්‍යය පරිදි කළමණාකරන කර වැටුප් හා දීමනා ගෙවීමට වැඩපිළිවෙලක් සකස් කර ඇති බවයි රාජ්‍ය අමාත්‍යවරයා වැඩිදුරටත් සඳහන් කළේ.
