ලඩාක් ප්රදේශයේ ඉන්දීය චීන දේශසීමාවේ පසුගිය ජූනි මස හටගත් ගැටුම්වලින් නිලධාරින් පහක් ඇතුලු තම හමුදා සමාජිකයන් පිරිසක් මියගිය බව චීනය මාස අටකට පසු නිල වශයෙන් පිළිගෙන තිබේ.
චීන ආරක්ෂක හමුදාවන්ගේ පුවත්පත වන පීඑල්ඒ ඩේලි පුවත්පත ඊයේ මේ තොරතුරු අනාවරණය කර ඇති බවයි විදෙස් මාධ්ය වාර්තා කරන්නේ.
මෙම ගැටුමේදී අවම වශයෙන් චීන හමුදා සාමාජිකයන් 30 දෙනෙකු මියගිය බව ඉන්දියාව ප්රකාශ කළ අතර රැසියාවේ ටාස් ප්රවෘත්ති සේවය වාර්තා කර තිබුණේ ඉන් චීන හමුදා සාමාජිකයන් 10ත් 45 ත් අතර පිරිසක් මියගිය බවයි.
කෙසේවෙතත් මෙම ගැටුමේදී තම හමුදාවට වූ හානි පිළිබදව චීනය ඊයේ වනතුරැ කිසිදු නිල ප්රකාශයක් නිකුත් කර නොතිබීම විශේෂත්වයකි.
මෙම ගැටුමේදී මියගිය ඉන්දීය හමුදා සාමාජිකයන් සංඛ්යාව 20 කි.