බුර්කාව සහ නිකාබය තහනම් කිරීමට ශ්රී ලංකාව ගෙන ඇති පියවර පිළිබඳව පාකිස්තාන රජය සිය කනස්සල්ල පළ කර තිබෙනවා.
ශ්රී ලංකාවේ පකිස්තානු මහකොමසාරිස් සාද් ඛට්ටක් මහතා පවසන්නේ ශ්රී ලංකාවේ නිකාබ් තහනම බොහෝ විට ලොව පුරා සිටින සාමාන්ය ශ්රී ලාංකික මුස්ලිම්වරුන්ගේ සහ මුස්ලිම්වරුන්ගේ හැඟීම්වලට හානියක් වන බවයි.
ඔහු ට්විටර් පණිවුඩයක් තබමින් කියා සිටින්නේ, රට මුහුණ දී ඇති කොරෝනා වෛරස් වසංගත තත්ත්වය සහ රටේ ප්රතිරූපය සම්බන්ධ වෙනත් අභියෝග හේතුවෙන් එය ආර්ථික වශයෙන් දුෂ්කර කාලයට තවදුරටත් බලපානු ඇති බවයි.
පසුගිය සෙනසුරාදා (13) මහජන ආරක්ෂක අමාත්ය සරත් වීරසේකර මහතා කියා සිටියේ බුර්කාව තහනම් කිරීම සඳහා වන කැබිනට් නියෝගයකට තමන් අත්සන් කර ඇති බවත්, ඒ සඳහා ඉදිරියේදී පාර්ලිමේන්තු අනුමැතිය අවශ්ය බවත්ය.
ඔහු කියා සිටියේ බුර්කාව සහ නිකාබ් තහනම් කිරීමේ තීරණය ජාතික ආරක්ෂක අවශ්යතා මත ගෙන ඇති බවයි.