පසුගිය සති කිහිපය තුල කොවිඩ් 19 ආසාදිතයන් සංඛ්යාත්මකව වැඩි වුව ද රටේ ආර්ථික හා සමාජයීය බලපෑම සලකා කිසිදු විටෙක සමස්ත රටම අගුලු නොදැමීමට රජයක් ලෙස තීරණය කර ඇති බව අග්රාමාත්ය මහින්ද රාජපක්ෂ පවසනවා.
චීන ආරක්ෂක අමාත්ය ජෙනරාල් වෙයි ෆෙන්ග් සමග පැවති හමුවේදි අග්රාමාත්යවරයා මේ අදහස් පල කළා.
එහිදී ශ්රී ලංකා අග්රමාත්යවරයා කොවිඩ් 19 වසංගත තත්වය හමුවේ චීනය ශ්රී ලංකාවට ආධාර උපකාර කිරීමට ඉදිරිපත් වීම පිළිබඳව ස්තූතිය ද පළකළා.
අග්රාමාත්යවරයා කියාසිටියේ අද වන විට ශ්රී ලංකාවේ ප්රමුඛ අවදානය යොමුවී ඇත්තේ පවතින වසංගත තත්වය යටතේ වුව ද ලොව පුරා සිටින ආයෝජකයින්ගේ ආකර්ෂණය ශ්රී ලංකාව කෙරෙහි යොමුකර ගැනීම බවයි.
එම ආකර්ෂණය සහ විශ්වාසය ශ්රී ලංකාව කෙරෙහි ගොඩනැගීම සඳහා චීන රජයේ සහයෝගය උදක්ම බලාපොරොත්තු වන බවත් අග්රාමාත්යවරයා අවධාරණය කළා.