සීග්‍රයෙන් පැතිරී යන කොවිඩ් 19 වසංගත තත්ත්වය හේතුවෙන් මේ වන විට තහනම් කර ඇති රැස්වීම්, සාද සහ මංගල උත්සව ආදිය නිවාස හෝ වෙනත් ස්ථානවල ද පැවැත්විය නොහැකි බව යුද හමුදාපති ජෙනරල් ශවේන්ද්‍ර සිල්වා මහතා පවසනවා.
ඊට අමතරව කොව්ඩ් 19 වෛරසය පැතිරීම වැළැක්වා ගත යුතු නිසාවෙන් වෙනත් නිවෙස්වලට යාම සහ අමුත්තන්ට සංග්‍රහ කිරීමෙන් ද වළකින ලෙස යුද හමුදාපතිවරයා ජනතාවගෙන් ඉල්ලා සිටිනවා.
කෙසේ වෙතත් ක්‍රීඩා අමාත්‍ය නාමල් රාජපක්ෂ මහතා සහ ජාතික සංවර්ධන මාධ්‍ය මධ්‍යස්ථානයේ අධ්‍යක්ෂ මිලින්ද රාජපක්ෂ මහතා පසුගියදා සහභාගී වූ මංගල උත්සවයක ඡායාරූප මිලින්ද රාජපක්ෂ මහතා සිය නිල ෆේස්බුක් ගිණුමේ පලකර තිබෙනවා.
ඔවුන්ගේ හිතවත් නීතිඥවරයෙකුගේ විවාහ මංගල උත්සවය කොළඹ වෝටර්ස් එජ් හෝටලයේ පවත්වා ඇති අතර ඔවුන් කිසිදු සෞඛ්‍ය මාර්ගෝපදේශයක් නොතකමින් හැසිරී ඇති ආකාරය අදාල ඡායාරූපවලින් දැක්වෙනවා.
ඊට අනුව කිසිදු සමාජ දුරස්ථභාවයක් පවත්වාගෙන ගොස් නොමැති අතර මුව ආවරණ පැළදීමක් හෝ සිදුකර නැහැ.
මේ මීට දින කිහිපයකට පෙර කොවිඩ් ජයගත හැකි ආකාරය පිළිබදව මිලින්ද රාජපක්ෂ මහතා සිය නිල ෆේස්බුක් ගිණුමේ තැබූ සටහනක්..
