වීරකැටිය පොලීසියේ නිලධාරීන් කිහිප දෙනෙක් සහ වීරකැටිය අත්තනයායේ පවුලක සාමාජිකයන් පිරිසක් අතර ඇති වූ ගැටුමක් හේතුවෙන් පොලිස් නිලධාරීන් 08 දෙනෙක් තුවාල ලබා තිබෙනවා.
පොලීසිය සඳහන් කළේ ඊයේ (06) සවස වීරකැටිය පොලිස් වසමේ ගෝනදෙනිය ප්‍රදේශයේ කසිප්පු වැටලීමකට ගොස් නැවත එමින් සිටියදී අත්තනයාය ප්‍රදේශයේ මාර්ගයේ රැඳී සිටි කිහිපදෙනෙක් පරික්ෂාවට ලක්කර ඇති බවයි.
එම අවස්ථාවේදී තරුණයන් දෙදෙනෙක් සහ පොලිස් නිලධාරීන් අතර බහින් බස්වීමක් ඇතිව තිබෙනවා.
පසුව එය ගැටුමක් දක්වා වර්ධනය වී ඇති බවයි පොලීසිය සඳහන් කළේ.
සිද්ධිය සම්බන්ධයෙන් පුද්ගලයින් 06 දෙනෙක් මේවන විට අත්අඩංගුවට ගෙන තිබෙනවා.
