පාර්ලිමේන්තු මන්ත්‍රී විමල් වීරවංශ, අමාත්‍ය ධුරයේ කටයුතු කරමින් සිටිය දී රුපියල් මිලියන 75කට අධික වත්කම් සහ දේපළ අයථා ලෙස උපයා ගැනීමේ චෝදනාවට අදාළ නඩුව පවත්වාගෙන යාම සම්බන්ධයෙන් වූ තීන්දුව ලබන මස 28 වැනිදා ප්‍රකාශයට පත් කරන බව කොළඹ මහාධිකරණය දැනුම් දී තිබෙනවා.
ඒ, මහාධිකරණ විනිසුරු නවරත්න මාරසිංහ ඉදිරියේ නඩුව අද (16) කැඳවූ අවස්ථාවේ දියි.
ආණ්ඩුක්‍රම ව්‍යවස්ථාවේ පාර්ලිමේන්තු මන්ත්‍රිවරයා රජයේ සේවකයෙකු වශයෙන් අර්ථකථනය කර නොමැති බැවින් ඔහුට එරෙහිව අල්ලස් පනත යටතේ මෙම නඩුව පවත්වාගෙන යෑමට නොහැකි බවයි විමල් වීරවංශ වෙනුවෙන් පෙනී සිටි නීතීඥවරුන් මූලික විරෝධතා මතුකර ඇත්තේ.
2010 වසරේ සිට 2015 දක්වා කාලයේ දී අමාත්‍යවරයෙකු වශයෙන් කටයුතු කරමින් රුපියල් මිලියන 75කට අධික වත්කම් සහ මුදල් අයථා ලෙස උපයා ගත් බවට අල්ලස් කොමිසම මෙම නඩුව ගොනුකර තිබෙනවා.
