හොරපේ – එඩේරමුල්ල අතර දුම්රිය මාර්ගයේ වැටි තිබූ කාන්තාවකගේ මළ සිරුරක් අද (16) හමුවූ බව රාගම පොලිසිය පවසනවා.
පොලිසිය පවසන්නේ හොරෙපේ දුම්රිය ස්ථානයේ සිට කොළඹ දෙසට මිටර් 100 පමණ දුරින් දුම්රිය මාර්ගයේ සිරුර වැටි තිබුණ බවයි.
මෙසේ මිය ගොස් ඇත්තේ නාවල, රාජගිරිය, පාසල් මාවතේ පදිංචි 59 හැවිරිදි කාන්තාවක් බවට හදුනාගත් බවට පොලිසිය පවසනවා.
පොලිසිය පවසන්නේ සිදුකළ මූලික විමර්ශනවලදී ඇය පෞද්ගලික නිතිඥ සමාගමක සම්බන්ධිකරණ නිලධාරිණියෙකු වශයෙන් සේවය කරමින් සිටි තැනැත්තියක් බවයි.
සිද්ධිය වු ස්ථානයේ තිබූ මරණකාරියට අයත් අත් බෑගයක් සහ ජංගම දුරකතනයක්ද පොලිස් භාරයට ගෙන ඇති අතර, අත් බෑගයේ තිබී අනුරාධපුරය සිට කොළඹ කොටුව බලා අද උදේ පිටත්වූ දුම්රියේ ගමන්කිරීම සඳහා ලබා ගත් ටිකටි පතක්ද වු බවයි පොලිසිය පවසනවා.
