වැල්ලම්පිටිය පොලිස් වසමේ කොටුවිල ප්රදේශයේ දී යතුරු පැදියකින් පැමිණ නාඳුනන පුද්ගලයන් දෙදෙනෙක් විසින් පුද්ගලයෙකුට වෙඩි තබා පලා ගොස් තිබෙනවා.
ඊයේ (07) රාත්රියේ මෙම වෙඩි තැබීම සිදුකර ඇති බවයි පොලිස් මාධ්ය කොට්ඨාසය සඳහන් කළේ.
වෙඩි තැබීමෙන් තුවාල ලැබූ පුද්ගලයා කොළඹ ජාතික රෝහලට ඇතුළත් කර තිබෙනවා.
මෙලෙස තුවාල ලබා ඇත්තේ 28 හැවිරිදි වැල්ලම්පිටිය ප්රදේශයේ පදිංචිකරුවෙකි.
පොලීසිය සැක කරන්නේ වෙඩි තැබීම සඳහා T56 ගිනි අවියක් භාවිත කර ඇති බවට හා විදේශගතව සිටින අයෙක් විසින් මෙම වෙඩි තැබීම සිදුකර ඇති බවයි.
සිද්ධිය සම්බන්ධයෙන් වැල්ලම්පිටිය පොලීසිය වැඩිදුර විමර්ශන සිදුකරනු ලබනවා.