පොලිස් නිලධාරියෙකුට පහර දී රාජකාරියට බාධා කළ කාන්තාවක් ඇතුළු පුද්ගලයින් තිදෙනෙකු කැලණිය කොට්ඨාස අපරාධ විමර්ෂන අංශය විසින් අත්අඩංගුවට ගෙන තිබෙනවා.
පෑලියගොඩ ජෙයරාජ් ප්රනාන්දුපුල්ලේ පාලම අසල රථවාහන රාජකාරීයේ යෙදී සිටි පොලිස් නිලධාරියෙකු හිස් වැසුම් නොමැතිව ධාවනයේ යෙදුනු යතුරු පැදිකරුවෙකු පරීක්ෂා කිරීමට යාමේදී එම ස්ථානයට තවත් කාන්තාවක් පැමිණ පොලිස් නිලධාරියා සමග ආරවුලක් ඇති කරගෙන ඔහුට පහර දීමක් සිදුකර ඇති බවට වාර්තා වෙනවා.
එහිදී තුවාල ලැබූ පොලිස් කොස්තාපල්වරයා කොළඹ ජාතික රෝහලේ නේවාසිකව ප්රතිකාර ලබන අතර සැකකරුවන් අලුත්කඩේ මහෙස්ත්රාත් අධිකරණයට අද (25) ඉදිරිපත් කිරීමට නියමිතයි.
සැකකාර කාන්තාව සහ පුද්ගලයින් දෙදෙනා පට්ටිය ප්රදේශයේ පදිංචිකරුවන් වන අවුරුදු 51, 20 සහ 22 හැවිරිදි වියේ පසුවන බව වාර්තා වෙනවා.