ඉරාන ලෝක කුසලාන පාපන්දු කණ්ඩායම එංගලන්තයට එරෙහි ඔවුන්ගේ ආරම්භක තරඟයට පෙර තම රටේ ජාතික ගීය ගායනා කිරීම ප්රතික්ෂේප කළා.
ඒ නොනවතින මහජන නොසන්සුන්තාවයට එරෙහිව ප්රචණ්ඩකාරී රාජ්ය මර්දනයට පාපන්දු කණ්ඩායම පක්ෂව සිටින බවට බොහෝ ක්රීඩා ලෝලීන් චෝදනා කළ පසුබිමකයි.
හිස් ආවරණය නොපැළඳීමේ වරදට අත්අඩංගුවට ගත් 22 හැවිරිදි මහ්සා අමීනි අත්අඩංගුවේ දී මියයෑමත් සමග ෂියා මුස්ලිම් ආණ්ඩුවට එරෙහිව ආරම්භ වූ.දැවැන්ත විරෝධතා රැල්ල දෙමසකට ආසන්න කාලයක් පුරා ක්රියාත්මක වනවා.
මෙතෙක් කල් ඒ සම්බන්ධයෙන් නිහඬ පිලිවෙතක් අනුගමනය කළ ඉරාන පාපන්දු ක්රීඩකයින් ජාතික ගීය වාදනය කරන අවස්ථාවේ නිහඬව සිටිමින් විරෝධතාකරුවන්ට සිය සහයෝගය ප්රකාශ කළා.
ඉරාන ජාතික රූපවාහිනිය තරගයේ එම අවස්ථාව විකාශය කිරීමෙන් වැලකුණා.
කෙසේ වෙතත් මෙම තරගය 6 – 2 ක් ලෙස පහසුවෙන් ජය ගැනීමට එංගලන්තය සමත් වුණා.
තරගයේ 19 වැනි මිනිත්තුවේදී ඉරාන දැල් රකින්නා වූ Alireza Beiranvand හිසට සිදුවූ අනතුරක් හේතුවෙන් පිටියෙන් ඉවත් වීමත් විශේෂත්වයක්.
එංගලන්තය වෙනුවෙන් බුකායෝ සකා ගෝල ද්විත්වයක් ලබා ගත්තා.
ඊට අමතරව ජුඩ් බෙලිංහැම්, රහීම් ස්ටර්ලින්, මාර්කස් රෂ්ෆෝර්ඩ් සහ ජැක් ග්රේලිෂ් එංගලන්තය වෙනුවෙන් ගෝල ලබා ගත්තා.
තරගයේ 65 වැනි මිනිත්තුවේදී මෙහෙන්දි තෙරම් ඉරානය වෙනුවෙන් පළමු ගෝලය වාර්තා කළ අතර අතිරේක කාලයේදී ලැබුණු දඬුවම් පහරක් සාර්ථක කර ගැනීමට ද තෙරම් සමත් වුණත් එය ජයග්රහණයට ප්රමාණවත් වූයේ නැහැ.