නිලධාරීන් 100කින් සමන්විත ක්ෂණික විහිදුම් යතුරුපැදි කණ්ඩායම් කිහිපයක් ඉදිරියේදී සංවිධානාත්මක අපරාධ කල්ලි සාමාජිකයන් පසුපස හඹා යාම සඳහා යෙදවීමට පොලිස්පති දේශබන්දු තෙන්නකෝන් මහතා තීරණය කර තිබෙන බව මව්බිම පුවත්පත වාර්තා කරනවා.
විශේෂ කාර්ය බළකායේ පුහුණුව ලබා දීමෙන් අනතුරුව මෙම යතුරුපැදි කණ්ඩායම් අපරාධ කල්ලි පසුපස හඹා යාම සඳහා අනුයුක්ත කෙරෙනු ඇති.
මෙම කණ්ඩායම් එක එල්ලේ ම සංවිධානාත්මක අපරාධකරුවන් මර්දනය කිරීම සඳහාත් අපරාධ කල්ලි පසුපස ක්රියාත්මක වන සෙසු කණ්ඩායම්වල සහය සඳහාත් යොමු කෙරෙන බව සඳහන්.
සංවිධානාත්මක අපරාධ කල්ලි හඳුනාගෙන එම අපරාධ කල්ලි සඳහා වෙන වෙන ම විමර්ශන කණ්ඩායම් ඔවුන් පසුපස හඹා යෙම මේ වන විටත් සිදු කෙරෙන අතර බස්නාහිර සහ දකුණු පළාත්වල මෙම මෙහෙයුම් ක්රියාත්මක වන බවත් පොලිස් මාධ්ය ප්රකාශක නියෝජ්ය පොලිස්පති නීතිඥ නිහාල් තල්දූව මහතා පැවසු බව සඳහන් .