ඉන්දියාවේදී අත්අඩංගුවට පත් ශ්‍රී ලාංකික ISIS සාමාජිකයන් සිව්දෙනා සමග මෙරටදී සම්බන්ධතා පැවැත්වූ බවට සැක පිට පුද්ගලයෙකු මාලිගාවත්තේදී අත්අඩංගුවට ගෙන තිබෙනවා.
ත්‍රස්ත විමර්ශන කොට්ඨාසය මගින් මෙලෙස අත්අඩංගුවට ගෙන ඇත්තේ ගුවන් ටිකට්පත් ලබාදීම වැනි කටයුතුවලින් මෙම පිරිසට උපකාර කළ පුද්ගලයා බව වාර්තා වෙනවා.
සැකකරු මේ වනවිට ත්‍රස්ත විමර්ශන කොට්ඨාසයේ රඳවා ඇති අතර ඔහුගෙන් අඛණ්ඩව ප්‍රශ්න කිරීම් සිදු කරන බව සඳහන්.
මේ අතර අදාළ ISIS සාමාජිකයන් සිව්දෙනා පසුගිය 19වැනිදා රාත්‍රියේ මෙරටින් ඉන්ඩිගෝ ගුවන් සේවයට අයත් ගුවන් යානයකින් කටුනායක ගුවන්තොටුපොළ හරහා චෙන්නායි වෙත ගොස් ඇති බව පොලීසිය සඳහන් කළා.
