තඹුත්තේගම, හුරිගස්වැව – මිගලෑව මාර්ගයෙහි එක් පසෙක පිහිටි වසර හැත්තෑවක් පමණ පැරණි කුඹුක් හා මාර ගස් පෙළක් කිසියම් පිරිසක් විසින් කපාදමා ඇති බවට ප්‍රදේශවාසීන් චෝදනා කරනවා.
ඔවුන් පවසන්නේ ප්‍රදේශයේ පෞද්ගලික වී මෝලකට අධි බලැති විදුලි රැහැන් ඇදීම සඳහා බාධා වන අයුරින් ඇති මෙම ගස් පෙළ මෙලෙස කපා දැමීමට කටයුතු කර ඇති බවයි.
මේ වන විට දිවයින පුරා ප්‍රදේශ රැසකින් වන විනාශයන් සිදුවන බවට දිනපතා තොරතුරු වාර්තා වනවා.
සිරස ලක්ෂපති වැඩසටහනට සහභාගී වූ තරුණියක්ද පැවසුවේ ඇයගේ ගම් ප්‍රදේශය වන සිංහරාජයේද ප්‍රදේශවාසින් බලා සිටියදී කැලෑ කපමින් පවතින බවයි.
