විදුලිබල මණ්ඩලය ප්රතිව්යුහගත කිරීමේ ඉදිරි පියවර සම්බන්ධයෙන් විශේෂ සාකච්ඡාවක් විදුලිබල හා බලශක්ති අමාත්ය කංචන විජේසේකර මහතාගේ ප්රධානත්වයෙන් එම අමාත්යංශයේ දී පවත්වා තිබෙනවා.
සිය නිල ට්විටර් ගිණුමේ පණිවිඩයක් තබමින් අමාත්යවරයා කියා සිටියේ ආසියානු සංවර්ධන බැංකුව ලෝක බැංකුව, ජපාන අන්තර්ජාතික සහයෝගීතා ඒජන්සිය, එක්සත් ජනපද ජාත්යන්තර සංවර්ධන නියෝජිත ආයතනය සහ ජාත්යන්තර මූල්ය සංගමයේ මෙරට ප්රධාන නියෝජිතයින් මෙන්ම විදුලිබල ක්ෂේත්රයේ ප්රවීණයන් ඊයේ (06) පැවැති මෙම සාකච්ඡාවට එක්වූ බවයි.
මෙහිදී විදුලිබල මණ්ඩලය ප්රතිව්යුහගත කිරීමේ වැඩපිළිවෙල වෙනුවෙන් සහය ලබාදෙන බව මෙම සංවර්ධන ආයතන ප්රකාශ කළ බවද අමාත්යවරයා පවසනවා.
විදුලිබල ක්ෂේත්රයේ ප්රතිව්යුහගත කිරීමේ කාර්යාලය මඟින් සංවර්ධන නියෝජිත ආයතන සමඟ සාකච්ඡා කර අවශ්ය තාක්ෂණික හා මුල්ය සහය ලබා ගනිමින් ඉදිරි සැලසුම සහ නව පනතේ විධිවිධාන ක්රියාත්මක කිරීමට නියමිතයි.
අමාත්යවරයාගේ එම ට්විටර් සටහනේ වැඩිදුරටත් සඳහන් වන්නේ නව විදුලිබල පනත් කෙටුම්පත මේ වන විට නීති කෙටුම්පත් කාර්යාලය වෙත ඉදිරිපත් කර ඇති අතර නීතිපතිවරයාගේ අනුමැතිය ලද සැනින් එය අමාත්ය මණ්ඩලය වෙත ඉදිරිපත් කරන බවයි.