මැයි දින රැළි සහ පෙළපාළි හේතුවෙන් අද (01) කොළඹ නගරය තුළ විශේෂ රථ වාහන සැලැස්මක් ක්රියාත්මක කර ඇති බව පොලීසිය පවසනවා.
කොළඹ නාගරික රථවාහන පොලිස් කොට්ඨාසයේ අධ්යක්ෂ, ජ්යෙෂ්ඨ පොලිස් අධිකාරි කමල් පුෂ්පකුමාර මහතා පැවසුවේ, ඒ වෙනුවෙන් රථවාහන රාජකාරි සඳහා නිලධාරීන් 1200 කට ආසන්න පිරිසක් යොදවා ඇති බවයි.
අත්යවශ්යම කරුණකට හැරෙන්නට හෙට පෙරවරු 11.00 න් පසු කොළඹ මාර්ගයවලට පැමිණීමෙන් වළකින ලෙස ද ඔහු ජනතාවට දැනුම් දෙයි.
මේ අතර ආරක්ෂාව සඳහා පොලිස් නිලධාරීන් දසදහසක් යොදවා ඇති බව පොලිස් මාධ්ය ප්රකාශක නියෝජ්ය පොලිස්පති නීතිඥ නිහාල් තල්දූව මහතා දැනුම් දෙනවා.
ඔහු සඳහන් කළේ පෙළපාළි සඳහා ජනතාව රැගෙන එන විනය විරෝධී බස්රථ රියදුරන් සම්බන්ධයෙන් දැඩිව නීතිය ක්රියාත්මක කරන බවයි.
එමෙන්ම, කටුනායක ගුවන්තොටුපොළ වෙත ගමන්කරන වාහන සහ ගිලන් රථ, රෝහල් වෙත රෝගීන් රැගෙන යන රථ සඳහා මාර්ගයේ ගමන්කිරීම සඳහා පහසුකම් සපයා ඇති බවද පොලිස් මාධ්ය ප්රකාශකවරයා තවදුරටත් සඳහන් කළා.
ජාත්යන්තර කම්කරු දිනය නිමිත්තෙන් කොළඹ නගරය ආශ්රිතව පැවැත්වෙන රැළි සහ පෙළපාලි හේතුවෙන් පොලීසිය විසින් ක්රියාත්මක කර ඇති විශේෂ රථවාහන සැලැස්ම පහතින්,