ගමන් මලු රැගෙන දුම්රියන්හි ගමන් කරමින් මඟීන්ගේ ගමන් මලුවලට තමන්ගේ ගමන් මලු මාරු කරමින් බෑග් සොරකම් කිරීමේ ජාවාරමක නියැලෙන සිදුවීම් කිහිපයක් මේ දිනවල වාර්තා වී තිබෙනවා.
ශ්රී ලංකා දුම්රිය නියාමක සංගමයේ උපලේකම් චින්තක සිරිවර්ධන මහතා අද (06) මාධ්ය හමුවකට එක්වෙමින් කියා සිටියේ ගමන් කරන මඟින් සිය ගමන් මලු සම්බන්ධව අවධානයෙන් පසුවන ලෙසයි.
දුම්රිය මඟීන් බහුලව ගැවසෙන මැදිරිවලට පිවිසෙන මෙම කල්ලිය හිස් ලැප්ටොප් පරිඝනක බෑග් සහ තවත් ගමන් මලු රැගෙන මැදිරිවලට ඇතුළු වී ඒ හා සමාන මඟී බෑගයක් ඒ අසලින් තබන බවයි ඔහු සඳහන් කළේ.
ඒ මහතා ප්රකාශ කළේ මඟියාගේ අවධානය බෑගයෙන් ගිලිහෙන මොහොතක් බලා කල්ලි සාමාජිකයා මඟියාගේ බෑගය රැගෙන දුම්රියෙන් බැස යාම් සිදුකරන ඇති බවයි.
කිසියම් අයුරකින් දුම්රියෙන් බැස යාමට පෙර බෑග් සෙල්ලම අසු වුවහොත් එය වැරදීමක් ලෙස හඟවමින් මඟියා නොමඟ හැර පිටව යාම එම කල්ලිය විසින් සිදු කරනු බවයි ඔහු වැඩිදුරටත් කියා සිටියා.