රත්නපුර – කැටන්දොල ප්රදේශයේ අලුත් පාලම අසලදී බහාලුම් ප්රවාහනය කරමින් තිබූ ප්රයිමුවර් රථයක් දැවැන්ත අනතුරකට ලක්ව තිබෙනවා.
අද (13) උදෑසන කැටන්දොල අලුත් පාලම මතින් ධාවනය වූ මෙම ප්රයිමුවර් රථයේ රියදුරු හට රථය පාලනය කරගැනීමට නොහැකිවීමෙන් මාර්ගයේ ධාවනය වෙමින් තිබූ මෝටර් රථයක හා යතුරුපැදියක ගැටී පාලමෙන් පහළට ඇදවැටී තිබෙනවා.
මෙම අනතුරෙන් මාර්ගයේ ගමන් කරමින් තිබූ යතුරුපැදිකරුවෙක් තුවාල ලැබූ අතර මෝටර් රථයක් සම්පූර්ණයෙන්ම විනාශ වුණා.
අලුත් පාලමේ ආරක්ෂක වැටද අනතුරෙන් විනාශ වී ඇති අතර තුවාල ලැබූ යතුරුපැදිකරු රත්නපුර රෝහලට ඇතුළත් කර තිබෙනවා.
එතරම් දැවැන්ත අනතුරක් සිදුවීත් කාර් රථයේ රියදුරුට කිසිදු හානියක් සිදු නොවීම පුදුම සහගත බවයි ප්රදේශවාසීන් පවසන්නේ.