කොළඹ වරාය නගරයේ පවත්වන ලද සංගීත ප්‍රසංගයට සහභාගී වූ 24 හැවිරිදි තරුණ ව්‍යාපාරිකයකුට පහර දී ඝාතනය කර තිබෙනවා.
පොලීසිය පවසන්නේ එම සිදුවීම සම්බන්ධයෙන් කොළඹ වරාය පොලිසිය 17 හැවිරිදි තරුණයකු අත්අඩංගුවට ගෙන ඇති බවයි.
මෙම පහරදීම සිදුවන ආකාරය අසල ආ‍රක්ෂිත කැමරා පරීක්ෂා කිරීමෙන් සොයා ගත හැකිවූ බවත් පහරදීමට සම්බන්ධ තවත් සිව්දෙනෙකු අත්අඩංගුවට ගැනීමට පොලිස් පරීක්ෂණ ක්‍රියාත්මක බවටත් පොලීසිය සදහන් කරනවා.
මූලික පරීක්ෂණ මගින් අනාවරණය වී ඇති ආකාරයට මෙම මියගිය තරුණ ව්‍යාපාරිකයා වරාය නගරයේ පැවති සංගීත ප්‍රසංගයට පැමිණ ඇත්තේ සැකකාර දහහත් හැවිරිදි තරුණයාගේ කලින් පෙම්වතිය සමඟයි.
හිටපු පෙම්වතිය වෙනත් පුද්ගලයකු සමග පැමිණීමෙන් සැකකරු කෝපයට පත්වී මෙම පහරදීම සිදුකර ඇති බව මූලික පරීක්ෂණවලදී අනාවරණය වී තිබෙනවා.
පොලීසිය සඳහන් කරන්නේ අත්අඩංගුවට ගැනීමට සොයන පුද්ගලයින් අතර කෝටිපති ව්‍යාපාරිකයකුගේ බෑණා කෙනෙකු සිටින බවයි.
