මෑතකදී ඉන්දීය ශ්‍රේෂ්ඨාධිකරණයට කාන්තා විනිසුරුවරියන් තිදෙනෙකු පත් කරනු ලැබූ අතර ඔවුන්ගෙන් එක් අයෙකු වන බීවී නාගරත්න කෙදිනක හෝ ඉන්දියාවේ පළමු අගවිනිසුරුවරිය විය හැකි බවට අනාවැකි පළවෙමින් පවතින බව මාධ්‍ය වාර්තා කර තිබේ.
එය ඉන්දියානු අධිකරණ ක්ෂේත්‍රයේ ඓතිහාසික අවස්ථාවක් වනු ඇතැයි පැවසේ.
විනිසුරු හිමා කෝලි, විනිසුරු බෙලා එම් ත්‍රිවේදි සහ බීවී නාගරත්න යන කාන්තා විනිශ්චයකාරවරියන් තිදෙනා ශ්‍රේෂ්ඨාධිකරණයේ දිවුරුම් දෙනු ලැබුවේ පසුගිය සැප්තැම්බර් 1 දාය.
නව පත්වීම් ලැබූ කාන්තා විනිසුරුවරියන් තිදෙනා අගවිනිසුරු එන්.වී. රමණා සහ විනිසුරු ඉන්දිරා බැනර්ජි සමඟ සිටින ඡායාරූපයක් සමාජ මාධ්‍ය තුළ පුළුල් ලෙස හුවමාරු වූ අතර එය ජාතික පුවත්පත්වල මුල් පිටුවට ද එක් වී තිබිණි.
නීති ඇමති කිරන් රිජිජු මෙය “ස්ත්‍රී පුරුෂ භාවය නියෝජනය කිරීමේ ඓතිහාසික අවස්ථාවක්” ලෙස හඳුන්වා තිබේ.
එක්සත් ජනපද ඉන්දීය තානාපතිවරයා ද නිවේදනයක් නිකුත් කරමින් මෙය “අභිමානවත් අවස්ථාවක්” බව සඳහන් කර ඇත.
තවත් බොහෝ දෙනෙක් මෙය ඉතාම වැදගත් දිනයක් ලෙස පවසමින් ඔවුන් වෙත සුබ පැතුම් එක් කර තිබෙනු දැකගත හැකිවිය.
මෙම පත්වීම් ඉන්දියාවේ ඉහළ උසාවියේ ස්ත්‍රී පුරුෂ භාවය අතර පරතරය අඩු කරන සිදුවීමක් වුවත් ඉන්දියාවේ අධිකරණ පද්ධතිය තුළ ඇති විකෘති ස්ත්‍රී පුරුෂ සමබරතාවය ස්ථාවර වන තුරු මෙම සැමරුම් නොමේරූ ඒවා බව විචාරකයන් පවසා තිබේ.
