ජ්යෙෂ්ඨ නියෝජ්ය පොලිස්පතිවරුන්ගේ ස්ථානමාරුවීම් අනුමත කර ඇති ජාතික පොලිස් කොමිසම, ජ්යෙෂ්ඨ නියෝජ්ය පොලිස්පති අජිත් රෝහණ කොළඹ පොලිස් මුලස්ථානය වෙත තාවකාලිකව කැඳවීමට නිර්දේශ කර ඇති බවට තොරතුරු වාර්තා වනවා.
පොලිස් කොමිෂන් සභාවේ ආවරණ අනුමැතියට යටත්ව, මහජන ආරක්ෂක අමාත්යාංශයේ ලේකම් විසින් කළ අනුමැතියට අදාලව වහාම ක්රියාත්මකවන පරිදි ජ්යෙෂ්ඨ නියෝජ්ය පොලිස්පතිවරුන් 07 දෙනෙක් ස්ථාන මාරු කිරීමට පොලිස්පති ඩී.සී.වික්රමරත්න ඊයේ (25) කටයුතු කර තිබුණා.
එහිදී තමන් දකුණු පළාතේ සිට නැගෙනහිර පළාතට වහාම ක්රියාත්මකවන පරිදි ස්ථාන මාරුකිරීම අනීතික බවද ඉන් බල අතික්රමණයක් සිදුවී ඇති බව ද පෙන්වා දෙන දෙමින් ජ්යෙෂ්ඨ නියෝජ්ය පොලිස්පති අජිත් රෝහණ විසින් අමාත්යංශ ලේකම්වරයාට හා ජාතික පොලිස් කොමිසමට ඊයේ දිනයේම ලිපියක් යොමුකර තිබුණා.
ඒ පිළිබඳව අවධානය යොමුකල ජාතික පොලිස් කොමිසම විසින් අජිත් රෝහණ ලිපියෙහි සඳහන් කරුණු සම්බන්ධයෙන් විමර්ශනයක් කර තීන්දුවක් ලබාදෙන තෙක් ඔහුව කොළඹ පොලිස් මුලස්ථානයට මාරුකර යැවීමට නිර්දේශකර ඇති බවයි වාර්තා වන්නේ.
කෙසේවුවද නැගෙනහිර බාර ජ්යෙෂ්ඨ නියෝජ්ය පොලිස්පති ධුරය මේවනවිට පුරප්පාඩු වී පවතිනවා.
මේ පිළිබදව වැඩිදුර කරුණු දැනගැනීම සඳහා අද දහවල් පටන් අප ජාතික පොලිස් කොමිෂන් සභාවේ සභාපතිවරයා හා ලේකම්වරයා සම්බන්ධ කරගැනීමට උත්සහ කළද ඔවුන් දෙදෙනාගෙන් කිසිවෙකුත් දුරකතනයට පිළිතුරු නොදීමට කටයුතු කර තිබුණා.