මෙරටට පැමිණි ඇමෙරිකානු ජාතික සංචාරකයෙකු අපහසුතාවට පත්ව පැය 5 ක් තුළ යළිත් මෙරටින් පිටත්ව යෑමේ සිදුවීම සම්බන්ධයෙන් පුළුල් විමර්ශන යක් සිදුකරන ලෙස සංචාරක ඇමති ප්රසන්න රණතුංග මහතා සංචාරක සංවර්ධන අධිකාරියට උපදෙස් දී තිබෙනවා.
ජෝර්ජ් නම් ඇමරිකානු ජාතික මෙම සංචාරකයා පසුගිය 07 වෙනිදා මෙරටට පැමිණ තිබෙන බවයි ඔහු පවසන්නෙ.
ඇමෙරිකානු ජාතිකයෙක් වන මෙම සංචාරකයා ශ්රී ලංකාවේ දී මුහුණ දුන්නේ යැයි කියන අපහසුතාවයන් පිළිබද ඔහු විසින් සමාජ මාධ්යවල දක්වා තිබෙන අතර ඔහු එහි දි සඳහන් කරන්නේ සංචාරයක් සදහා ශ්රී ලංකාවට පැමිණි තමන්ට ප්රවාහන පහසුකම් සපයා ගැනීමට නොහැකි වීම සහ සිය නියෝජිත ආයතනය සම්බන්ධ කර ගැනීමට නොහැකි වීම නිසා පැය 05 ක කාලයක් තුළ ආපසු ගිය බවයි.
ඔහු මෙරටට පැමිණීමට පෙර ඇණවුම් කරන ලද ටැක්සි සේවාවේ නමින් කිසිදු ටැක්සි සේවාවක් ක්රියාත්මක නොවන බවට පසුව දැනගත් බවද ජෝර්ජ් පවසනවා.