ඇෆ්ගනිස්තානයේ තලේබාන් විරෝධී හමුදා සහ විවිධ සටන්කාමී කණ්ඩායම් ISISK සංවිධානය වටා ඒකරාශිවීමේ අවදානමක් පවතින බව වාර්තා වේ.
කැනඩාව පදනම් කරගත් අයිතීන් සහ ආරක්ෂාව සදහා වන ජාත්‍යන්තර සංසදය සදහන් කරන්නේ මේ වනවිට ඇෆ්ගනිස්තානයේ සිදුවන බෝම්බ පිපිරීම් ඇතුළු ත්‍රස්තවාදී ක්‍රියා කැපී පෙනෙන ලෙස ඉහළ ගොස් ඇති බවයි.
මේ හේතුවෙන් තලේබාන් සංවිධානය පවා කළබලයට පත්ව සිටින බවත් ඔවුන් අන්තර්ජාතික පිළිගැනීම ලබාගැනීම සදහා දැඩි වෙහෙසක් දරමින් කටයුතු කරමින් සිටින්නේ ඒ හේතුවෙන් බවත් එම සංවිධානය පෙන්වා දී තිබේ.
අල්කයිඩා වැනි විවිධ සන්නද්ධ කල්ලි මෙන් පසුගිය ඇෆ්ගනිස්තාන ආණ්ඩුව යටතේ පැවති හමුදාවල සාමාජිකයන් ද ISISK සංවිධානය වටා එක්වීමේ අවදානම පිළිබද ලෝකයේම අවධානය යොමුවිය යුතු බව ද එම සංවිධානය අවධාරණය කර සිටියි.
