පාස්කු ප්රහාරය පසුපස සිටියේ ඉන්දියාව යැයි ඒ පිළිබඳ සොයාබැලීමට පත්කළ විශේෂ පාර්ලිමේන්තු කාරක සභාවේ සාමාජිකයකු වූ ජනතා විමුක්ති පෙරමුණේ පාර්ලිමේන්තු මන්ත්රී වෛද්ය නලින්ද ජයතිස්ස මහතා BBC සිංහල සේවයට සාකච්ඡාවක් ලබාදෙමින් පවසා තිබුණා.
මේ පිළිබදව අදහස් දක්වමින් ජනතා විමුක්ති පෙරමුණේ නායක අනුර කුමාර දිසානායක මහතා අද (11) පැවති ප්රවෘත්ති සාකච්ඡාවකදී පවසා සිටියේ දේශපාලන ව්යාපාරයක් ලෙස ඔවුන්ට හෝ දේශපාලකයෙකු ලෙස ඔහුට හෝ කවර රාජ්යයකට මෙන්ම සංවිධානයකට එක්වර ඇඟිලි දිගු කිරීමේ අයිතියක් නොමැති බවයි.
මන්ද මෙය සංකීර්ණ පරීක්ෂණයක් බවත් එය විමර්ශනය කර සොයා ගත යුතු කරුණක් බවත් ඔහු වැඩිදුරටත් අදහස් දක්වමින් පවසනවා.
පාස්කු කොමිසන් වාර්තාවේ අඩංගු කරුණු සහ සාක්ෂි විමසීමේ ආකාරය දෙස බලා සිටීමේදී ඉන්දියාවෙන් එවැනි මැදිහත්වීමක් තිබෙන බව වාර්තා වී නොමැති බවයි දිසානායක මහතා සදහන් කරන්නේ.
ඊට අදාල දර්ශන පහතින්,
පාස්කු ප්රහාරය පසුපස ඉන්දියාව සිටින්නේ යැයි නලින්ද ජයතිස්ස ප්රකාශ කල ප්රවෘත්තිය පහතින්,
